రేక మాలతి తీగ
క్రితం వారం ఓ సందులోంచి నడుచుకు వెళ్తూంటే రేకమాలతి పూల వాసన గుప్పుమంది. ఎక్కడా అని వెతికితే..ఓ గోడ మీంచి ఇలా ఓ పేద్ద చెట్టు పైకి పాకిన రేకమాలతితీగ కనబడింది.
అద్భుతమైన సువాసనలు వెదజల్లే ఈ రేకమాలతి మా తాతగారింట్లో ఉండేది. వర్షం కురిసిన రాత్రి బయటకు వచ్చి నిలుచుంటే మెట్ల నిండా రాలిన ఆ తెల్లనిపూలు, ఆ పరిమళం, ఆ మట్టి వాసన అస్సలు మర్చిపోలేను..
మత్తెక్కించే ఈ పూల పరిమళం ఎంత బాగుంటుందో...
విచిత్రమైన ఫల్లాలతో ఉన్న ఈ చెట్టు ఏం చెట్టో నాకు తెలీదు...ఎవరైనా చెప్పగలరా?